Nasa huling yugto na ng karera ang maalamat na Japanese all-female rock band na SCANDAL matapos nilang ianunsyo ang nakatakdang pagtatapos ng grupo sa Agosto 21, 2027, kasunod ng dalawang dekadang pagre-reyna sa industriya ng musika.
Isinagawa ang anunsyo pagkatapos ng kanilang “SCANDAL 20th Anniversary Live ‘Chapter 20′” concert sa Osaka-Jo Hall noong Agosto 21, 2026, kung saan magkakasamang humarap sa libo-libong tagahanga ang apat na orihinal na miyembro.
Farewell Tour at Huling Konsyerto
Bilang pamamaalam sa kaniyang mga tagasuporta, magsasagawa ang SCANDAL ng isang malawakang tour na sasalpakan ang lahat ng 47 prefectures sa Hapon simula ngayong Oktubre 2026.
Nakatakda namang gaganapin ang huling solo show ng grupo sa Yokohama Arena sa Agosto 21, 2027—eksaktong 21 taon mula noong pormal na mabuo ang banda.
Pamana sa Musika at Guinness World Record
Binuo sa Osaka noong 2006 nina HARUNA, MAMI, TOMOMI, at RINA, kilala ang SCANDAL sa kabilang hindi nagbagong miyembro. Dahil dito, humahawak ang grupo ng opisyal na Guinness World Record bilang longest-running all-female rock band na may kaparehong original lineup.
Sikat din ang grupo sa pag-awit ng mga tanyag na anime theme songs tulad ng “Shunkan Sentimental” (Fullmetal Alchemist: Brotherhood), “Shōjo S” at “Harukaze” (Bleach), at “Pride” (Star Driver). Minahal din ng mga fans ang kaniyang mga hit songs tulad ng “SCANDAL BABY,” “DOLL,” “EVERYBODY SAY YEAH!,” at “Take Me Out.”